#სანდოთანამგზავრი - სკოლის გამოსაშვები გამოცდების რეპეტიცია

#სანდოთანამგზავრი - პროექტი GONAEC

  • #სანდოთანამგზავრი - პროექტი GONAEC 15 დეკემბრიდან მე-11 და მე-12 კლასის მოსწავლეებს ცენტრის ვებგვერდიდან გამოსაშვები გამოცდების სრული იმიტაციის გავლას სთავაზობს 8 საგანში.
  • ქართული ენა და ლიტერატურა; მათემატიკა; უცხოური ენა; ისტორია; ქიმია; ბიოლოგია; ფიზიკა; გეოგრაფია.
  • ერთ საგანში ტესტირების ერთხელ გავლის საფასურია 5 ლარი.
  • ტესტირების გავლა ნებისმიერი ინტერნეტში ჩართული კომპიუტერიდანაა შესაძლებელი.

ჯერ არ გაგივლიათ რეგისტრაცია? დარეგისტრირდით!

სკოლის გამოსაშვები გამოცდების რეპეტიცია

ტესტირების საფასურია 5 ლარი

16 მაისის ჩათვლით

#სანდოთანამგზავრი - სკოლის გამოსაშვები გამოცდების რეპეტიცია Naec-თან ერთად

შეფასებისა და გამოცდების ეროვნული ცენტრი სთავაზობს მე-11 და მე-12 კლასის მოსწავლეებს, ასევე ყველა მსურველს, გამოსაშვები გამოცდების ანალოგიური ტესტირების გავლას ნებისმიერი ხელმისაწვდომი, ინტერნეტში ჩართული კომპიუტერიდან შემდეგ საგნებში: ქართული ენა და ლიტერატურა; მათემატიკა; უცხოური ენა; ისტორია; ქიმია; ბიოლოგია; ფიზიკა; გეოგრაფია.

ტესტირება ჩატარდება ქართულ ენაზე. ერთი საგნის ტესტირებაში მონაწილეობა ერთ მსურველს შეუძლია მაქსიმუმ 3-ჯერ. ტესტირებისას გამოყენებული იქნება ახალი, სპეციალურად ამ პროექტისათვის შექმნილი დავალებები.

პროექტი დაიწყო 15 დეკემბერს და 2018 წლის 16 მაისის ჩათვლით გაგრძელდება.

პროგრამა იმავე ალგორითმით შეაფასებს მონაწილეებს, როგორც ეს სკოლის გამოსაშვები გამოცდებისას ხდება. მიღებულ შეფასებას მონაწილე ეკრანზე დაინახავს (გამოსაშვები გამოცდებისას მინიმალური კომპეტენციის ზღვარი გადალახულად ითვლება, თუ მოსწავლის შეფასება 5,5 ან მეტია.). რეგისტრაციისა და ტესტირების გასავლელად უნდა გადაიხადოთ შესაბამისი თანხა (ერთ საგანში ტესტირების ერთხელ გავლის საფასურია 5 ლარი) თქვენთვის მოსახერხებელი ფორმით:

  • გადახდის შესაძლო საშუალებები და საბანკო მომსახურების გადასახადი:
  • ცენტრის ვებგვერდიდან იხ.ბმული - საფასურს ემატება მომსახურების საკომისიო 0,5 ლარი ;
  • "საქართველოს ბანკის" სერვის ცენტრები - საფასურს ემატება მომსახურების საკომისიო 0,5 ლარი;
  • ვებგვერდზე epay.ge - საფასურს ემატება მომსახურების საკომისიო 1 ლარი;
  • "საქართველოს ბანკის" თვითმომსახურების ტერმინალით - საფასურს ემატება მომსახურების საკომისიო 1 ლარი;
  • საქართველოს ბანკის ინტერნეტ ბანკინგის საშუალებით - ibank.ge - საფასურს ემატება მომსახურების საკომისიო 1 ლარი;
  • PayBox თვითმომსახურების ტერმინალით - საფასურს ემატება მომსახურების საკომისიო 0,5 ლარი.

თანხის გადახდის შემდეგ შეავსეთ სარეგისტრაციო ფორმა. შესაბამის ველებში ჩაწერეთ მონაწილის სახელი, გვარი, პირადი ნომერი (გადახდისას მითითებული) და დააჭირეთ ღილაკს "რეგისტრაცია". რეგისტრაციის დროს მითითებულ მობილური ტელეფონის ნომერზე მოკლე ტექსტური შეტყობინებით მიიღებთ ავტორიზაციის კოდს. პროგრამაში შესასვლელად გამოიყენეთ რეგისტრაციის დროს მითითებული პირადი ნომერი და ავტორიზაციის კოდი. კოდი აქტიურია 12 საათის განმავლობაში. 12 საათის გასვლის შემდეგ პროგრამაში შესვლის მცდელობისას ავტომატურად მიიღებთ ავტორიზაციის ახალ კოდს. ასევე, თუ კოდი დაგავიწყდათ, ავტორიზაციის გვერდზე დააჭირეთ ღილაკს "ახალი კოდის გამოგზავნა" და მიიღეთ ახალი კოდი. კოდის შეყვანის შემდეგ შეხვალთ თქვენს გვერდზე, სადაც დაინახავთ: თქვენს სახელს და გვარს, თქვენს ანგარიშზე არსებულ ხელმისაწვდომ თანხას (შემდგომში დახარჯული თანხის მიზნობრიობას და ოდენობას), საგნების ჩამონათვალს, უკვე გავლილი ტესტირების შედეგებს. აირჩიეთ სასურველი საგანი. საგნის არჩევის შემდეგ სისტემა მოგთხოვთ დადასტურებას, რომ გსურთ ტესტირების დაწყება. თუ მოცემულ მომენტში არ აპირებთ ტესტირების გავლას ან შეცდომით აირჩიეთ საგანი, მონიშნეთ ღილაკი "არა". საგნის არჩევისას შესაბამისი თანხა ჩამოიჭრება ანგარიშიდან - თანხის ჩამოჭრის შესახებ ინფორმაცია აისახება თქვენს გვერდზეც.

ტესტირება დაიწყება საგნის არჩევისთანავე.

თუ რაიმე მიზეზით ტესტირების გაგრძელებას ვერ ახერხებთ, ტესტირების შეწყვეტიდან 30 წამის გასვლის შემდეგ სისტემა მომდევნო შესვლისას იმ ადგილიდან მოგცემთ გაგრძელების საშუალებას, სადაც შეწყვიტეთ ტესტირება.

რეკომენდირებულია გამოიყენოთ Google Chrome ბრაუზერის ბოლო ვერსია.

დეტალური ინფორმაცია პროექტისა და პროცედურების შესახებ.

სკოლის გამოსაშვები გამოცდების რეპეტიცია


საფასური: 5 ლარი

თითოეული საგნისთვის 15 ნიმუშის ნახვა (PDF ფორმატი) შეგიძლიათ თანხის გადახდის გარეშე

დავალებების ნიმუშები

ჯერ არ გაგივლიათ რეგისტრაცია? დარეგისტრირდით!


საკონტაქტო ინფორმაცია

პროექტთან GONAEC დაკავშირებული კითხვებით მოგვმართეთ:




  • ელ. ფოსტა: gonaec@naec.ge
  • ცხელი ხაზი: (+99532) 247 33 33
  • ისარგებლეთ ონლაინ დახმარების სერვისით ვებგვერდზე: www.naec.gov.ge
  • თბილისი, მინდელის ქუჩა N9
  • შეფასებისა და გამოცდების ეროვნული ცენტრი